Gürcüstan beynəlxalq reyslərin bərpa olunmasını təxirə saldı

Gürcüstan müntəzəm beynəlxalq uçuşlarda məhdudiyyətləri iyulun 31-dək uzadıb.

Respublikaxəbər.az bu barədə ölkənin Mülki Aviasiya Agentliyinin açıqlamasına istinadla məlumat yayıb.

Koronavirus pandemiyası səbəbindən ölkə martın 21-dən etibarən bütün istiqamətlərdə hava nəqliyyatını tamamilə dayandırmışdı. Səlahiyyətlilər iyulun 1-dən sərhədləri xarici turistlərə açmağı planlaşdırırdılar.

Bildirilir ki, mütəmadi uçuşların bərpa edilməsi barədə qərar Gürcüstanda və dünyada epidemioloji vəziyyət nəzərə alınmaqla qəbul ediləcək.


Sənəm Əliyeva