Koronavirusun tənəffüs aparatı olmadan müalicəsinin yolu tapılıb

Rusiyalı alimlər koronavirusun müalicəsi zamanı Ağciyərlərin Süni Ventilyasiyası (ASV) aparatına qoşmadan xəstələri müalicə etməyin yolunu tapıblar.
“RİA Novosti”yə istinadən Respublikaxəbər.az-ın məlumatına görə, bu barədə Rusiya Elmlər Akademiyası Ural Filialının İmmunologiya və Fiziologiya İnstitutunun elmi direktoru Valeri Çereşnev bildirib.
Onun sözlərinə görə, helium-oksigen qarışığı ilə inhalyasiyalar koronoavirusu ağır keçirən 50 pasiyentdə yoxlanılıb. Prosedurdan sonra onlardan yalnız birini ASV aparatına qoşmaq lazım olub.
Çereşnev təcrübəni müsbət qiymətləndirib.
“Hazırda istehsal gedir”, - deyə o, əlavə edib.
Alim ağciyərlərin süni ventilyasiyasının bədənə kifayət qədər ağır yük olduğunu vurğulayıb. Onun sözlərinə görə, 90-95 dərəcəyə qədər qızdırılan helium-oksigen qarışığı mexaniki ventilyasiyadan xeyli üstündür.



Sənəm Əliyeva