Koronavirus peyvəndinə əks göstərişlər açıqlanıb

Yüksək temperatur və spirtli içki qəbulu koronavirus infeksiyasından vaksinasiya üçün əks göstərişdir.

“Sputnik”ə istinadən Respublikaxəbər.az-ın verdiyi məlumata görə, bu barədə rusiyalı həkim immunoloq Vladislav Jemçuqov bəyan edib.

Onun sözlərinə görə, məhdudiyyətlər qrip vaksinasiyasındakı kimidir.

“Peyvənd elə reaksiya verə bilər ki, insan üçün yaxşı olmaz. Düşünürəm ki, vaksinasiyaya 10-12 saat, hətta bir gün qalmış içmək olmaz. Bu müddət insanın qara ciyərinin fəaliyyətindən asılıdır”.

O, bundan başqa preparatın saxlanılma şəraiti ilə də bağlı tövsiyələrini verib.

“Peyvəndin son istifadə tarixi soruşulmalı, soyuducunun saxlanc yerindəki temperaturuna baxılmalıdır. Soyuducuda, temperatur müsbət dörd dərəcədən yüksək olmamalıdır”, - deyə həkim bildirib.



Sənəm Əliyeva