Davamlı hıçqırıq koronavirusun əlaməti ola bilər

Dörd gün müddətində davamlı olaraq hıçqıran kişinin COVID-19 virusuna yoluxduğu məlum olub.

“Haber Global”a istinadən Respublikaxəbər.az məlumat verir ki, bu barədə “The American Journal of Emergency Medicine” jurnalında dərc olunmuş məqalədə qeyd olunur.

Bildirilir ki, 62 yaşlı Çikaqo sakini dörd gün davam edən hıçqırığa görə həkimlərə müraciət edib.

Maraqlıdır ki, xəstədə koronavirusun əsas simptomları hesab olunan öskürək, qızdırma, boğaz ağrısı və təngnəfəslik olmayıb.

COVID-19 testi verən kişinin nəticələri müsbət çıxıb.


Sənəm Əliyeva