Rusiya və Ukraynanın müharibədəki itkiləri - Siyahı

“Ukraynada davam edən müharibə nəticəsində təqribən 19 000 rusiyalı hərbçi zərərsizləşdirilib”.

Respublikaxeber.az “Ukrainskaya pravda”ya istinadən xəbər verir ki, bu barədə məlumatı Ukrayna Silahlı Qüvvələrinin Baş Qərargahı yayıb.

Məlumata görə, fevralın 24-dən aprelin 8-nə kimi Rusiyaya məxsus 700 tank, 1891 zirehli döyüş maşını, 333 artilleriya sistemi, 108 reaktiv yaylım atəşi sistemi, 55 hava hücumundan müdafiə vasitəsi, 150 təyyarə, 135 helikopter, 1361 avtomobil texnikası, 7 gəmi/qayıq, 112 pilotsuz uçuş aparatı (PUA), 25 xüsusi texnika və s. sıradan çıxarılıb.

“TASS”ın məlumatına görə isə, Rusiya Müdafiə Nazirliyinin rəsmi nümayəndəsi general-mayor İqor Konaşenkov Ukraynanın itkilərini açıqlayıb.

Onun sözlərinə görə, hərbi əməliyyat başlayandan bu günə kimi Rusiya qoşunları Ukrayna Silahlı Qüvvələrinə məxsus 97 helikopter, 421 PUA, 228 zenit-raket sistemi, 2019 tank və dugır zirehli döyüş maşını, 223 reaktiv yaylım atəşi sistemi, eləcə də 1917 xüsusi hərbi avtomobil texnikasını vurub.