Ukrayna Rusiya ordusunun hücumları nəticəsində həlak olan jurnalistlərin sayını açıqladı

Ukraynanın Mədəniyyət və İnformasiya Siyasəti Nazirliyi Rusiyanın hücumları nəticəsində həyatını itirən və yaralanan jurnalistlərlə bağlı məlumat paylaşıb.

Respublikaxeber.az-ın məlumatına görə, Rusiya ordusunun hücumları nəticəsində 18 jurnalistin öldüyü, 13-nün yaralandığı açıqlanıb.

Rusiyanın hücumlarının başladığı 24 fevraldan bəri Ukraynada 3-ü qadın olmaqla 18 jurnalist öldürülüb.

Müharibə zamanı müxtəlif hücumlar nəticəsində 13 jurnalist yaralanıb, 3 jurnalist itkin düşüb, 4-ü qadın olmaqla 8 jurnalist qaçırılıb.