Paşinyan 44 günlük müharibənin araşdırılması ilə bağlı sorğu-sual ediləcək

Ermənistanın baş naziri Nikol Paşinyan Qarabağda 44 günlük müharibənin vəziyyətinin araşdırılması ilə bağlı komissiyaya çağırılacaq.

Respublikaxeber.az xəbər verir ki, bu barədə komissiyanın rəhbəri Andranik Koçaryan ilk iclasdan sonra jurnalistlərə bildirib.

Müxalifət nümayəndələri tədbirə gəlsələr də, tezliklə zalı tərk ediblər.

Əvvəllər “Hayastan” və “Mənim şərəfim var” blokları komissiyanın işində iştirakdan imtina ediblər. Fraksiyaların birgə bəyanatında qeyd edilir ki, ölkə hakimiyyəti öz fəaliyyətini obyektiv araşdıra bilməz.