Londonda Yeni il şənlikləri LƏĞV EDİLDİ

Böyük Britaniya rəhbərliyi ölkədə koronavirusun “Omikron” ştammının yayılması səbəbindən Trafalqar meydanında keçirilməli olan Yeni il şənliklərini ləğv edib.

Respublikaxeber.az TASS-a istinadən xəbər verir ki, bu barədə Londonun meri Sadiq Xan məlumat verib:

“Bu, bir çox londonluları çox məyus edəcək, lakin biz virusun yayılmasını azaltmaq üçün düzgün addımlar atmalıyıq”.

Dekabrın 8-də Britaniya hökuməti “Omikron” ştammının yaratdığı təhlükə ilə əlaqədar bir sıra məhdudiyyətlər elan edib.

Böyük Britaniyada son günlər sutkalıq 80-90 min koronavirusa yoluxma halı aşkarlanıb. Bunlar pandemiyanın başlanğıcından bəri ölkə üçün rekord göstəricidir. Yoluxanların 60 faizində “Omikron” ştammı aşkarlanıb.