Çində qasırğa 2 nəfərin ölümünə səbəb olub

Çinin Hebey vilayətində güclü qasırğa ən azı 2 nəfərin ölümünə, çoxlu sayda evin dağılmasına səbəb olub.

Respublikaxeber.az yerli mediaya istinadla xəbər verir ki, 1,5 saat davam edən qasırğa Baodin şəhərində infrastruktura, kommunikasiya və elektrik xətlərinə də ciddi ziyan vurub. Qasırğa özü ilə şiddətli yağışlar da gətirib ki, bu da əlavə problemlər yaradıb.

Təbii fəlakətin nəticələrinin aradan qaldırılmasına xeyli canlı qüvvə və texnika cəlb olunub. İlk növbədə elektrik xətlərinin və təbii qaz borularının bərpasına diqqət yetirilir. Hazırda ərazidə axtarış işləri aparılır. Ölü sayının artma ehtimalı var.