"Burada məmurların iti belə yaşamaz" - Qaçqınlar fəryad edir

Heç bir infrastrukturu (suyu, qazı, işıq, istilik və kanalizasiya sistemi) olmayan, yalnız dörd divardan ibarət bir bina düşünün. Hətta düşünmək belə insanın içini qaraldır. Ancaq belə bir binada 30 ildir qaçqınlar yaşamağa məcburdurlar. Özlərinin dili ilə desək, “Məmurların itini belə bağlasan, burada qalmaz”.

Respublikaxeber.az KONKRET.az-a istinadən xəbər verir ki, onlar illərdir ağır və qəzalı şəraitdə yaşayiblar, hətta vətənə layiqli oğullar da fəda ediblər. İndi torpaqları işğaldan azad edilən bu insanlar öz ata-baba yurdlarına köçənə qədər müvəqqəti yaşayış yeri ilə təmin olunmalarını istəyirlər.