ZAQATALANIN QANDAX KƏND BƏLƏDİYYƏ SƏDRİ RƏVALƏ BAYRAMOVANIN BAYRAMI QARA GƏLDİ. BARƏSİNDƏ TƏQDİMAT VERİLDİ

Zaqatala rayon, Qandax kənd bələdiyyə sədri Rəvalə Bayramovanın barəsində rayon prokurorluğu tərəfindən təqdimat verilib.

Respublikaxəbər.az xəbər verir ki, bələdiyyə sədri R.Bayramovanın barəsində təqdimat verilməsinə səbəb, Faldar kənd sakini Ramazanova Sinurə Bahiddin qızından onun zəbt etdiyi torpaq sahəsinin sənədlərinin dövlət qeydiyyatına aldıracağı vədini vermiş, lakin, vəd verdiyi müddətdən iki il müddət keçməsinə baxmayaraq, prosedur qaydalara uyğun olaraq, sənədləşmə işlərinin aparılmasını təmin etməməklə, vədinə əməl etməməsi olub. Onu da qeyd edək ki, Ramazanova Sinurə Bahiddin qızına Zaqatala rayon prokurorluğundan cavab məktubu gəlmiş, bütün bunları cavab məktubunu aldıqdan sonra redaksiyamıza məlumat verərək, tam, obyektiv, qərəzsiz, doğru-dürüst və hərtərəfli araşdırma aparılaraq, Qandax kənd bələdiyyə sədri Rəvalə Bayramovanın barəsində ədalətli qərar qəbul etdikləri üçün tərəfimizdən Zaqatala rayon prokuroruna təşəkkür məktubu, həmçinin də Rəvalə Bayramovanın barəsində Şəki Regional Ədliyyə İdarəsinin rəisinə də Rəvalə Bayramova barəsində verilmiş təqdimat əsasında ciddi cəza növünün seçilməsi barədə müraciət məktubu göndərməyimizi xahiş etmişdir.
Qeyd edək ki, Sinurə Ramazanovanın müraciətini nəzərə alaraq, tərəfimizdən deyilən ünvanlara, müvafiq məktublarımız göndəriləcəkdir.

Respublikaxəbər.az