ELYAZ YAZAN, SABİRABAD RAYON NARLIQ KƏNDİNDƏ OLUB

RESPUBLİKAXƏBƏR.AZ xəbər verir ki, 2023-cü ilin aprel ayının 27-də Elyaz Yazan, Sabirabad rayonunda olub. O, səfəri zamanı, rayonun Narlıq kəndinə təşrif buyurub. Narlıq kəndində olduğu zaman, kəndin fəal ağsaqqalı, hər zaman kəndin sosial problemləri ilə maraqlanan, şəhid Əliyev Qoşqar Güləhməd oğlunun qardaşı, Haqverdi Əliyev, kənddə görülən və görülməyən işlərlə tanış edib. Haqverdi Əliyev, Azərbaycan Respublikasının I-vitse prezidenti hörmətli Mehriban xanım Əliyevanın təşəbbüsü ilə inşası başlanan kənd tam orta məktəbinin binası ilə də tanış edib, həmçinin görülən işlərə görə Azərbaycan Respublikasının prezidenti cənab İlham Əliyevə və eləcə də I-vitse-prezident, hörmətli Mehriban xanım Əliyevaya təşəkkür edib. Bundan əlavə də Haqverdi Əliyev, kəndin mərkəzində "Vətən Müharibəsi" şəhidlərinin xatirəsinə həsr edilmiş memoryal kompleksi göstərib və həmin kompleksin daha geniş və görkəmli şəkildə inşası üçün Sabirabad rayon, Narlıq kənd məscidi, Dini İcması tərəfindən Dini Qurumlarla İş üzrə Dövlət Komitəsinə müraciət edildiyini, həmin müraciət əsasında da, Dini Qurumlarla İş üzrə Dövlət Komitəsinin tabelyində Mənəvi Dəyərlərin Təbliği Fondunun maliyyə dəstəyi ilə Sabirabad rayon, Narlıq kəndində şəhidlərin xatirəsinə həsr edilmiş Memoryal kompleksin inşası davam etdiyini bildirib. Sonda Haqverdi Əliyev, Şəhidlərin xatirəsinə həsr edilmiş Memoryal Kompleksin inşası üçün maddi dəstək göstərdiklərinə görə, Azərbaycan Respublikasının Dini Qurumlarla İş üzrə Dövlət Komitəsinin sədri cənab Mübariz Qurbanlı və eləcə də Dini Qurumlarla İş üzrə Dövlət Komitəsinin tabelyində Mənəvi Dəyərlərin Təbliği Fondunun icraçı direktoru Mehman İsmayılov başda olmaqla, Dini Qurumlarla İş üzrə Dövlət Komitəsinin bütün əməkdaşlarına Narlıq kənd sakinləri adından təşəkkür edib. Ən sonda isə Haqverdi Əliyev, kəndin yollarının bərbad halda olmasını, eləcə də kənddə internet probleminin olmasını diqqət mərkəzinə çatdırıraq, Rabitə və Texnologiya nazirliyindən və Azərbaycan Avtomobil Yolları Dövlət Agentliyindən köməklərini əsirgəməmələrini xahiş edb. Onu da qeyd edək ki, Haqverdi Əliyev, söhbət zamanı, bir-neçə gün bundan öncə Azərbaycan Respublikasının Daxili İşlər naziri general-polkovnik cənab Vilayət Eyvazovun vətəndaşlarla görüşü zamanı, onun qəbulunda olduğunu, nazirin vətəndaşlarla etik davranış kodekslərindən bəhs edərək, yüksək səviyyədə razılıq bildirib.