ELYAZ YAZANDAN: ŞƏKİ ŞƏHƏR İCRA HAKİMİYYƏTİ! "QURUÇAY" KÖRPÜSÜ İLƏ BAĞLI VERDİYİNİZ VƏDƏ AZ QALIB!!!

RESPUBLİKAXƏBƏR.AZ xəbər verir ki, Elyaz Yazan, "Quruçay"körpüsü ilə bağlı ölkə rəhbərinə təkrar məktub hazırlamaq qərarına gəlib.





































Elyaz Yazan:

Hörmətli Elxan müəllim!
Təxminən bir il bundan öncə Şəki rayon, Baş Göynük və Baş Şabalıd kəndlərinin kəsişməsində (iki kəndi birləşdirən) "Quruçay" körpüsünü sel yuyub aparmasına görə, videomüsahibə verərək aidiyyatı qurumlara, eləcə də Sizə həm yazılı, həm də sosial şəbəkə üzərindən müraciət etmişdim. Sosial şəbəkə üzərindən etdiyim müraciətimə videonun aşağısından yazılan rəylərdə Şəki Şəhər İcra Hakimiyyətinin də cavabı öz yerini tutmuşdur.. Lakin,həmin cavabın müddətinin bitməsinə təxminən 8 ay qalıb, Quruçayda heç bir irəliləyiş yoxdur. Kənd sakinləri yenə də eyni çətinliklərlə üz-üzədirlər. Özləri ilə bərabər avtomobillləri də tez tez yararsız hala düşür. Hətta bir dəfə mən bir nəfər Təcili Təxirə Salınmaz Tibbi Yardım Xidməti avtomobilinin sürücüsünə yaxınlaşdım, dedim ki, Baş Şabalıd kənd sakinlərindən bəziləri gileylənir ki, "Skoru" maşını gec gəlir və hətta bəzi hallarda gəlmir. Sürücü elə bil mənim ürəyimi oxudu. Bildirdi ki, "Ay qardaş, Allah səən fəryadaaa çatsın! o kəndi taniyirsən? təkcə quruçaydan keçmək üçün bir saata vaxt gedir. ona kimi xəstə qalar?

Hörmətli Elxan müəllim!
Mən kənddə olduğum zaman bir-neçə dəfə belə bir mənzərənin şahidi olmuşam. Hər şimşək çaxanda, sürücülər əllərinə başlarına çaxırlar ki, sel gəlsə nə edəcəyik??! Odur ki, Sizdən son dərəcə xahiş edirik,həmin kəndə qarşı biraz da olsa diqqət və qayğını artırasınız, kəndin ən böyük problemlərindən biri olan "Quruçay" körpüsü ilə bağlı göstəriş verəsiniz. DÜZDÜR! QAZ, İŞIQ, POÇT, TİBB MƏNTƏQƏSİ, UŞAQ BAĞÇASI, MƏSCİD kimi digər problemlər də var, ancaq, hazırda ən böyük problem "Quruçay" körpüsünün dağınıq halda qalmasıdır.
Əvvəlcədən təşəkkür edirəm!

HÖRMƏTLƏ: ELYAZ YAZAN RESPUBLİKAXƏBƏR.AZ TƏSİSÇİ,BAŞ DİREKTOR

RESPUBLİKAXƏBƏR.AZ