NƏSİMİ RAYONUNDA FƏALİYYƏT GÖSTƏRƏN İŞƏ DÜZƏLTMƏ FİRMASININ FƏALİYYƏTİ QANUNİDİRMİ? AİDİYYATI QURUMLARA MƏLUMAT

RESPUBLİKAXƏBƏR.AZ xəbər verir ki, Nəsimi rayonunda fəaliyyət göstərən "İşə düzəltmə firması" nın fəaliyyəti barədə müəıyyən şübhələr yaranıb.

Bu barədə Respublikaxəbər.az-ın rəhbəri Elyaz Yazan bildirib:

Elyaz Yazan:

Salam dəyərli dostlar!
Bildirmək istəyirəm ki, bu gün Azərbaycanda Hüquq-Mühafizə orqanları, yüksək səviyyədə xidmət etməklə qanunsuzluqlara qarşı mübarizəni davam etdirməkdədir. Biz Media nümayəndələri də dövlətimizi və dövlətçiliyimizi dəstəkləmək məqsədi ilə rast gəldiyimiz hər bir qanunsuzluq barədə mütləq məlumat verməliyik.
O səbəbdən də qarşılaşdığım və şübhələndiyim bir məsələ barədə məlumat vermək istərdim.
Əvvəlcədən onu da qeyd edim ki, barəsində məlumat verdiyim şəxslərin fəaliyyətinin qanunsuz olmasını iddia etmirəm. Sadəcə aramızda bağlanan müqavilənin bir surətinin mənə təqdim edilməsindən imtina edilməsi məndə şübhələr yaradıb.
Qeyd edərək diqqətinizə çatdırım ki, 05 yanvar 2023-cü il tarixdə sosial şəbəkələrdə iş elanlarına rast gəldim. Elanda göstərilən bir-neçə nömrənin vhotsapına özümü təqdim etməklə işlə təmin olunmaq istədiyimi bildirdim. Müraciət etdiyim simaricə cavab verildi, Cavabda bildirildi ki, Siz yaxınlaşın Şamaxinka deyilən ərazidə "İMPERİAL" şadlıq sarayı ilə üzbə-üz poçtun önünə, ofisimiz oradadır. Mən də günorta saatlarında yaxınlaşdım. Bir nəfər gənc oğlan məni qəbul etdi, yaşımı və yaşadığım ünvanı soruşdu. Mən də ona cavab verdim. Daha sonra gənc oğlan bir A-4 vərəq, bir də kiçik vərəqə götürdü, gəldi əyləşdi. Şəxsiyyətimi təsdiq edən sənədimi (şəxsiyyət vəsiqəmi) təqdim etdim. Gənc oğlan isə gah soyadımı Gülüyev əvəzinə Güliyev yazdı, aşağıda qeyd olunan şəxsiyyət vəsiqəsinin seriyasını Yeni nəsil vəsiqəsinin (AA) deyil, AZE-sonra XXXXXXXX seriya nömrəsini yazdı. Mən irad bildirdim ki, məndə yeni nəsil şəxsiyyət vəsiqəsidir, soyadımı da səhv yazdınız. Gənc oğlan bildirdi ki, fərq eləməz. bu elə-belədir. Sonra müqavilə formasını doldurdu, Mən, müqavilədə qeyd olunanları oxudum, sonra gənc oğlana bildirdim ki, hər halda müqavilənin bir surəti də məndə qalacaq. O isə etiraz etdi. Onu da qeyd edim ki, həmin gənc oğlan ilk öncə məndən 20 (iyirmi) manat məbləğində rüsum tələb etmişdi. Gənc oğlanın mənə müqavilənin bir surətini təqdim etməkdən imitina etməsi məndə şübhələr doğurdu. Biraz təəcüblü baxdığım zaman kənardan rəhbərlik kimi hiss edilən bir şəxs, gəlib mənimlə mübahisə etdi, onun mənə müqavilənin bir surətini verməməsinin əsaslı olduğunu bildirərək məni yayındırmağa çalışdı və daha sonra mənim adımla yazılan müqaviləni gənc oğlanın önündən götürüb əzdi və kənara atdı. şəxsiyyət vəsiqəmi də mənə qaytardı. Mən də həmkarlarım içərisində söhbət edərkən "Ədalət və Həqiqət" Beynəlxalq İctimai-Siyasi Hüquq qəzetinin təsisçi, baş redaktoru Cəmil müəllim söhbəti dinlədi, sonra qarşı tərəfin əlaqə nömrəsini məndən götürərək dediklərimə aydınlıq gətirmək üçün onlara zəng etdi.

Hazırda bir daha bildirirəm ki, mən həmin şəxslərin fəaliyyətinin qanunsuz olmasını iddia etmirəm Lakin, məndə müəyyən şübhələr yarandığından aidiyyatı qurumlara məlumat verəcəyim qərarına gəldim.

Qarşı tərəfi dinləməyə hazırıq!

Respublikaxəbər.az