5 ZİYALI ÖVLAD BÖYÜDÜB, HƏR BİRİNƏ ALİ TƏHSİL VERƏN QƏHRAMAN ANANIN DOĞUM GÜNÜDÜR.

Respublikaxəbər.az xəbər verir ki, 19 noyabr 2022-ci il tarixdə 3 oğlan, iki qız olmaqla 5 övlad böyüdüb hər birinə ali təhsil verən qəhraman ana Məmmədova Bacıxanım Hacıbala qızının doğum günüdür. Onun 69 yaşı tamam oldu. Bacxanım müəllimənin özü də el anasıdır, uzun illərdir ki, Şəkinin Baş Şabalıd kəndində müəllimə işləyir, onun Bu gün müxtəlif vəzifələrdə işləyən gənc yeniyetmələrdən çoxu da Bacıxanım müəllimənin dərs dediyi insanlardır. Yəni ki, onun əməyi danılmaz bir faktdır.

Bu münasibət ilə Respublikaxəbər.az-ın rəhbəri Elyaz Yazan Gülüyev, Bacıxanım müəlliməni və onun övladlarını təbrik edir, onların hər birinə can sağlığ arzulayır.
Elyaz Yazan:
Hörmətli Bacıxanım müəllimə!
Mən Sizin haqqınızda ictimaiyyətə məlumat verərək öyünməyi özümə şərəf bilirəm. Çünki, Siz həqiqətən də kəndimizdə yeganə anasınız (valideynsiniz) ki, övladların hər birinə ali təhsil verərək, onları ictimaiyyətə hədiyyə etmisiniz. Sizin böyütdüyünüz övladların hər biri sağlam və tərbiyyəli övladlar olmaları ilə bərabər də ictimaiyyətə yüksək səviyyədə yararlı insanlardır. Bu səbəbdən də Sizin kimi ananı yadedib, Sizi təbrik etməyi özümə fəxr borcu bilərək, doğum gününüz münasibəti ilə təbrik edir, Sizə və övladlarınıza can sağlığı arzulayır, dünyasını dəyişmiş həyat yoldaşınız Yaşar Hüseyn oğlu İbrahimxəlilova da uca Allahdan rəhmət və məğfirət diləyirəm. Təkrarən bir daha deyirəm ki, Sizin haqqınızda, Sizin ailəniz və hətta Sizin ata-ana evinizdən, Sizin valideynlərinizdən də yüksək səviyyədə xoşməramlı sözlər demək mümkündür. Sizin övladlarınızı nə qədər xalqa yararlı insandırlarsa, həmçinin Sizin qardaş və bacılarınız da xalqa və xüsusən də bizim kəndimiz Baş Şabalıd və Baş Göynük kəndinə daha yararlı insan olublar və yenə də xidmətlərinə davam edirlər. Odur ki, cümlənizə can sağlığı arzulayıram.
Hörmətlə:
Elyaz Yazan

Məmmədova Bacıxanım Hacıbala qızı, 19 noyabr 1953-cü il tarixdə Şəki rayonu, Baş Şabalıd kəndində anadan olmuşdur. Məmmədova Bacıxanım Hacıbala qızı Şəki Pedeqoji Texnikumunda “İbtidai sinif müəllimi” ixtisası üzrə təhsil almışdır. Məmmədova Bacıxanım Hacıbala qızı təhsilini başa vurduqdan sonra Şəki rayonu Baş Şabalıd kənd tam orta məktəbində ibtidai sinif müəllimi kimi pedoqoji fəaliyyətə başlamış və pensiya yaşınadək həmin məktəbdə ibtidai sinif müəllimi işləmiş, həmçinin, son 3 ilə yaxın müddətdə həmin məktəbin Həmkarlar Təşkilatının sədri vəzifəsində çalışmışdır. Məmmədova Bacıxanım Hacıbala qızı pensiya yaşına çatdığına görə 2020-cı ildə pensiyaya çıxmışdır. Baş Şabalıd kəndinin kifayət qədər sakinlərinə ilk dəfə “A” hərfini yazmağı məhz Bacıxanım müəllimə öyrətmişdir. Məmmədova Bacıxanım Hacıbala qızının kəndin ictimai-siyasi həyatında fəal iştirak etmişdir. O, yarandığı ilk günlərdən Yeni Azərbaycan Partiyasının fəal üzvüdür. Məmmədova Bacıxanım Hacıbala qızı hazırda 114 saylı Şəki kənd Seçki Dairəsinin 19 saylı Seçki Məntəqəsinin sədri, həmçinin ictimai əsaslarla Baş Şabalıd kənd Qadınlar Şurasının sədridir. Məmmədova Bacıxanım Hacıbala qızının 3 oğlu və 2 qızı olmaqla 5 uşağı vardır. Onun uşaqları hamısı ali təhsilli olmaqla oğlanları həkim, mühəndis və hüquqşünas, qızları isə müəllimdirlər.

Respublikaxəbər.az

Mətində yanlışlıqlara yol verildiyi müəyyən edilərsə, aradan qaldırılacaq, həmçinin əldə ediləcəyi halda foto daha yaxşı görüntülü foto ilə əvəz ediləcəkdir.