ŞƏKİ DYP 1 GÜNDƏ 2 MƏKTƏBDƏ TƏDBİR KEÇİRİB.

Respublikaxəbər.az xəbər verir ki, ŞƏKİ DYP 1 GÜNDƏ 2 MƏKTƏBDƏ TƏDBİR KEÇİRİB.

Respublikamızın ümumtəhsil məktəblərində yeni dərs ilinin başlanması ilə əlaqədar küçə və yollarda nəqliyyat vasitələrinin hərəkət intensivliyinin yüksək olduğu bir şəraitdə məktəblilərin təhlükəsizliyinin təmin edilməsi, xüsusilə uşaq və yeniyetmələrin yol hərəkəti ilə bağlı həyat və sağlamlıqlarının qorunması vacib məsələ kimi qarşıda durur.
Bu səbəbdən, uşaq və yeniyetmələrin iştirakı ilə baş verən yol-nəqliyyat hadisələrinin qarşısının alınması istiqamətində profilaktiki tədbirlərin gücləndirilməsi, habelə ümumtəhsil məktəblərində şagirdlərə təhlükəsiz davranış vərdişlərinin aşılanması və tədris prosesinin effektliyinin yüksəldilməsinə dövlət yol polisinin köməyinin artırılması məqsədi ilə Daxili İşlər Nazirliyinin müvafiq göstərişinə əsasən 2022-ci ilin sentyabr ayının 15-dən, oktyabr ayının 15-dək respublika ərazisində “Diqqət, uşaqlar!” adı altında hərəkətin təhlükəsizliyi aylığı keçirilir.

Respublikaxəbər.az-ın məlumatına görə Daxili İşlər Nazirliyinin Baş Dövlət Yol Polisi İdarəsi, eləcə də Şəki Şəhər-Rayon Polis Şöbəsinin Dövlət Yol Polisi Bölməsi aylıq çərçivəsində bütün təhlükəsizlik tədbirlərini həyata keçirir.
20 sentyabr 2022-ci il tarixdə Şəki Şəhər-Rayon Polis Şöbəsinin Dövlət Yol Polisi Bölməsinin təbliğat və təşviqat üzrə inspektoru, polis baş leytenantı Tural Niftalıyev Şəki şəhəri 2 və 3 saylı tam orta məktəblərin ibtidai sinif şagirdləri ilə maarifləndirici tədbir keçirib. Şagirdlərə piyadanın vəzifələri barədə ətraflı izahlar verilib, onları maraqlandıran suallar cavablandırılıb.
Şagirdlər, yol hərəkəti qaydalarına aid şeirlər səsləndirib, rəsm əsərləri və digər əl işlərini nümayiş etdiriblər.
Şagirdlərə Yol Hərəkəti Haqqında Qanunun 40-cı maddəsi, “Piyadanın vəzifələri” qeyd olunan maarifləndirici vərəqələr paylanıb.
Tədbirin yekununda, Şəki şəhəri 2 və 3 saylı tam orta məktəblərin direktorları Tamella Mustafayeva və Bünyamin Baxışov, belə tədbirlərin böyük əhəmiyyət kəsb etdiyini qeyd edərək, şagirdləri maarifləndirdiyinə görə, məktəblilərin sevimlisi, polis baş leytenantı Tural Niftalıyevə minnətdarlığını bildirib.
Dövlət Yol Polisi Bölməsinin təbliğat və təşviqat üzrə inspektoru, polis baş leytenantı Tural Niftalıyev, Şəki-Zaqatala Regional Təhsil İdarəsinin müdiri Bəhruz Mehdiyevə, o cümlədən məktəb rəhbərliyinə tədbirin keçirilməsinə təşkilatçılıq etdikləri üçün təşəkkürünü bildirib.