Mən yoruldum, Növbətçi möhtərəm prokuror yorulmadı

Respublikaxəbər.az, Azərbaycan Jurnalistlər birliyinin üzvü, Araşdırmaçı Jurnalist,Aybəniz Abdulovanın prokurorun vətəndaşla davranış qaydalarına riayət etməsindən razı qalaraq yazdığı təşəkkür məktubunu diqqətinizə çatdırır.
Aybəniz Abdulova, təşəkkürünü belə bildirir:
29 mart 2022-ci il tarixdə işlədiyim yerdə (Azərbaycan Nəşriyyatının inzibati binasında) mənə qarşı, dələduzluq və soyğunçuluq edən şəxs barəsində etdiyim şikayət əsasında aparılan təhqiqat araşdırmasının nəticəsindən narazı qalmağımla bağlı 03 aprel 2022-ci il tarixdə, saat 17:44 radələrində Respublika Baş Prokurorluğunun 961 saylı qaynar xətt xidmətinə zəng edərək məlumat verdim. Məlumatı verməmişdən öncə düşünürdüm ki, bir iki kəlmə deyəcəm, sonra ordan da mənə hər zaman çox hallarda və çox qurumlardan eşitdiyimiz "Müraciətiniz qeydə alındı" cavabını eşidəcəyəm.
Lakin, təəsüflər olsun ki, mən gözləmədiyim xoş bir hal ilə rastlaşdım. Növbətçi prokuror, məni nə az-nə çox tam 35 dəqiqə dinlədi və mənə hüquqlarımı izah edərək səbrli və təmkinli olmağımı, həmçinin qanunvericiliyin tələblərinə əsasən nəticədə işə hüquqi qiymət veriləcəyini bildirdi. Həmin Zaur adlı prokur kimi əməkdaşların çox olmasını arzu edirəm. Əlavə olaraq da Zaur adlı möhtərəm prokurorumuzun alicənab davranışı ilə bağlı Respublika baş prokurorumuza təşəkkür məktubu ünvanlayacağam.
Əvvəlcədən bir daha təşəkkürümü bildirirəm.

Hörmətlə:
Azərbaycan Jurnalistlər birliyinin üzvü, Araşdırmaçı Jurnalist, Aybəniz Abdulova

Respublikaxeber.az