Kafe-restoranlarda quraşdırılan “qaz bombaları”: Məsuliyyəti kim daşıyır?

Qeyd edildiyi kimi gecə klubunda baş vermiş partlayışa səbəb qaz balonlarında yaranan sızma olub. Bu fakt qaz balonlarından harada və necə istifadə edilməsi məsələsini aktuallaşdırır. Ekspertlər, bu kimi əyləncə mərkəzlərində balonlardan istifadənin qadağan olunduğunu bildirirlər. Çünki bu, olduqca təhlükəlidir.

Respublikaxeber.az xəbər verir ki, Bakıda gecə klubunda baş vermiş dəhşətli partlayış ictimai iaşə obyektlərində yanğın təhlükəsizliyi qaydalarını gündəmə gətirir.

''Azəriqaz'' İstehsalat Birliyinin məlumatına görə, hadisəyə səbəb maye qaz balonunda yaranmış sızma nəticəsində olub. Bəs, ictimai-iaşə obeytlərində bu cür balonlardan istifadəyə icazə varmı?

Yanğın təhlükəsizliyi məsələləri üzrə ekspert Elmar Nurəliyevin "Xəzər Xəbəe"ə bildirib ki, bu, qanunvericiliklə qadağandır. Onun sözlərinə görə, bu cür balonların istifadəsi zamanı qaz sızması yaranarsa, içəridə olan hava kütləsinin 4-5%-i kifayətdir ki, dəhşətli partlayış baş versin. Faciəvi hadisələrlə qarşılaşmamaq üçün bu qaydalara əməl edilməlidir.

Ekspert əlavə edib ki, ictimai-iaşə obyetklərində yanğın təhlükəsizliyi qaydalarına necə əməl edilməsi ilə bağlı mütəmadi olaraq Fövqəladə Hallar Nazirliyinin müvafiq qurumları yoxlamalar aparmalıdırlar. Məsələ ilə bağlı Fövqəladə Hallar Nazirliyindən bildirildi ki, hazırda istintaq tədbirləri aparıldığından hər hansı bir informasiya verilə bilməz.