Elyaz (Yazan) Şamaxı barədə hara müraciət etdi. İzləyin

Elyaz (Yazan) Gülüyev Şamaxı şəhərində yerləşən və fasiləsiz fəaliyyət göstərən Şamaxı və Savalan restoranları və həmin qanunsuzluğa göz yumaraq özləri belə qanunu pozan Şamaxı RPŞ-nin polisnəfərləri ilə bağlı ölkərəhbərimiz başda olmaqla bütün aidiyyatı qurumlara rəsmiməlumat məktubu ünvanlayıb.

Elyaz (Yazan) Güüyevin ünvanladığı rəsmi məlumat məktubunu olduğu kimi Siz dəyərli izləyicilərimizin diqqətinə çatdırırıq.





Azərbaycan Respublikasının Prezidenti
cənab İlham Əliyevə:
Surəti: Azərbaycan Respublikasının baş naziri
cənab Əli Əsədova:
Surəti: Azərbaycan Respublikasının Milli Məclisin
sədri hörmətli Bahar Muradovaya:
Surəti: Azərbaycan Respublikasının Baş Prokuroru
cənab Kamran Əliyevə:
Surəti: Azərbaycan Respublikasının DİN-i general-
polkovnik cənab Vilayət Eyvazova:
Surəti: Şamaxı rayon İcra Hakimiyyətinin başçısına:


Hörmətli,möhtərəm cənab Perzident,
Məlumat məktubuma başlamazdan əvvəl Sizlərin hər birinizi salamlayıram.
Bildiyiniz kimi ölkə rəhbərimiz cənab İlham Əliyev hər zaman xalqa xitab edərək “Mətbuatçılar mənum dostlarımdır” onlar mənim bilmədiyim çox halları müxtəlif üsullarla (televiziya, sayt, qazet, məktublarla) çatdırırlar.
Bəli, cənab Prezidentimiz düz deyir! Biz də cənab prezidentimizin bizə qarşı göstərdiyi diqqət və qayğını rəhbər tutaraq, etimadını daha doğrultmaqda davam edirik. O üzdən də ölkə rəhbərimizin göstərişinə məhəl qoyulmamaqla, Şamaxı şəhərində baş vermiş ciddi və kobud qanun pozuntusunu gizlədə bilmərəm.
Cənab Prezident,
Bu günə qədər Siz və anamız Mehriban xanım başda olmaqla,bütün qurum rəhbərləri və xalq da Sizinlə birlikdə olaraq Pandemiyaya qarşı mübarizə apardılar, bunun nəticəsində də Azərbaycan xalqı digər ölkələrə nisbətdə çox az itki verdik. Azərbaycanımız üçün bu və digər problemlərimizin həllində yüksək səviyyədə göstərdiyiniz diqqət və qayğıya görə hər birinizin qarşısında baş əyirik.
Lakin, məlumat məktubumu ünvanlamaqda məqsədim odur ki, Sizlərin bu qədər əzab-əziyyətinizi heçə sayaraq, xəstəliyin daha da geniş yayılmasına səbəb olmaq istəyən Şamaxı RPŞ-nin polisləri Şamaxı və Savalan restoranlarının Sizin göstərişinizə məhəl qoymayaraq karantin saatlarında restoranın fəaliyyətini dayandırmayaraq fasiləsiz işləmələri, polisin də bu kimi hala göz yumması bəs deyilmiş kimi özlərinin də tibbi maskadan istifadə etməmələri ilə qanuna və qanunvericiliyin tələblərinə hörmətsizlik etmələri barədə rastlaşdığım bir halı Sizə məlumat verməyi özümə bir media (dost) borcu bilirəm.
Belə ki, mən, Elyaz (Yazan) Gülüyev, 15 fevral 2022-ci il tarixdə, saat 02:00 radələrində kənddən Bakı şəhərinə gələn avtobusların biri ilə doğulduğum, Şəki rayonundan, Bakı şəhərinə gələrkən hər zaman olduğu kimi çay içmək üçün verilən fasilədən istifadə edərək, mən də fürsətdən istifadə edib, kənd camaatı ilə birlikdə həmin kafeyə daxil olum, bir çay içim deyib və içəri daxil oldum,masaya əyləşdim. Masaya əyləşdiyimdən təxminən beş dəqiqə sonra restorana bir nəfər polis serjantinın tibbi maskasız içəri daxil olduğunu və bir dəqiqə sonra, yenə də eyni formada (tibbi maskasız) digər bir polis nəfərinin daxil olduğunu gördüm. Mən düşündüm ki, həmin polislər, restoranın gecə saatlarında fəaliyyət göstərməsinə görə barələrində tədbir görmək üçün gəliblər
Lakin,sonradan öz-özlüyümdə təfəkkür etdim və dedim ki, polis əyər qanunsuzluğu aşkar edib, tədbir görmək üçün gəlibsə, əvvəl özü qanuna və qanunvericiliyin tələblərinə riayət etməli, daha sonra qarşı tərəfi tənbeh etməlidir və ya barəsində ciddi tədbir görməlidir.
Lakin, bunların heç birinin də olmaması məndə şübhə yaratdı.
Əlavə olaraq da nəzərinizə çatdırım ki, mən, şahidi olduğum həmin mənzərə (neqativ hallar) ilə bağlı Şamaxı RPŞ-nin, NH-nin əlaqə nömrəsinə zəng edərək şifahi məlumat verdim. Həmin məsələ ilə bağlı da Şamaxı RPŞ-tərəfindən mənimlə təkrar əlaqə saxlanılaraq deyilənlərlə bağlı araşdırma aparılacağını və nəticəsi barədə də məlumat veriləcəyini bildirilmişdir. Bundan bir-neçə gün sonra mən təkrar Şəki şəhərinə səfər edib qayıtdığımda təkrar həmin restoranların fəaliyyələrinin davam etdiyini gördüm və həmin şəxslərin polisi aldatmalarına görə qəzəbləndim. Bütün bunlara baxmayaraq Şamaxı RPŞ-nin rəhbərliyinə rəsmi məlumat məktubu ünvanlamışam. Şamaxı RPŞ-nə məktub ünvanlayaraq sosial şəbəkələrdə “Youtube kanalımda, tiktok səhifəmdə və eləcə də rəhbəri olduğum Respublikaxeber.az saytımda (BU RESTORAN QAN EYLƏYİR, POLİS GÖZDƏN YAN EYLƏYİR) başlıqlı məqalə ilə ictimailəşdirmişdim. Sonra Şamaxı RPŞ-nin rəis müavini, Firuddin müəllim mənimlə əlaqə saxlayaraq bildirdi ki, Sizi rəis çağırır. Mən də sual verdim ki, rəis məni nə üçün çağırır. Rəsmi məlumat məktubumda hər bir məsələni təfərrüatı ilə qeyd etmişəm, videogörüntüdə də hər şey aydın görünür. Sonra Firuddin müəllim mənə dedi ki,qardaş həmin görüntünü bir-iki günlük mənim xatirimə çıxart,əlavə olaraq da bizə xatir polisləri videodan götür, restorana nə istəyirsən et, hətta biz də sənə kömək edək. Nəticə etibarı ilə mən Firuddin müəllimin bu kimi mənimlə söhbətindən xoşum gəlmədi, yəni ki, Firuddin müəllimin sözündən belə nəticəyə gəlmək olur ki, (məndən çıxdı,kimə dəyir-dəysin).

Həmin restoranları gecə saatlarında işlədərək karantin rejiminin tələblərini kobudcasına pozan və həmin şəxslərin bu kimi hallarla qanunu pozmalarına göz yuman,həmçinin özləri də qanunu kobudcasına pozan polis serjantlarının barəsində görüləcək cəza tədbiri ilə bağlı Şamaxı RPŞ-nin rəsmi məlumat məktubun ünvanlamışam.
Mənim məqsədim, Ölkə rəhbərimizin göstərişinə məhəl qoymayaraq gecə (karantin) saatlarında qanunsuz olaraq restoranın fəaliyyətini dayandırmayan şəxslərin barəsində İnzibati Xətalar Məcəlləsinin müvafiq maddələrinə əsasən cərimə edilməsi və həmçinin də AR-nın DİO-nın nüfuzuna xələl gətirəcək qanunsuz hərəkətlər edən və həmçinin qanunsuz hərəkətlər edənlərə göz yuman polis serjantlarının DİO-sıralarından uzaqlaşmasını xahiş etməkdir.

Cənab Prezident,
Hörmətli rəhbərlər,

Odur ki, müraciət məktubumu nəzərə almağınızı və müraciət müəllifi olaraq görülmüş cəza tədbirləri ilə bağlı redaksiyamıza məlumat verməyinizi Sizdən xahiş edirəm
Diqqətinizə görə minnətdaram!

Sonda, məlumat məktubumda yol verdiyim hər bir hərf, söz və ya cümlə səhvlərimə görə,həmçinin də məlumat məktubumla narahatçılıq verdiyim üçün öncədən üzr istəyirəm .
Videoya tam, aydın baxmaq lazım gələrsə, “Respublikaxeber.az” saytına daxil olaraq, (ŞAMAXIDA FASİLƏSİZ FƏALİYYƏT GÖSTƏRƏN RESTORANLARA HAVADARLIQ EDƏNKİMDİR?) başlıqlı məqaləni izləmənizi xahiş edirəm.

Hörmətlə:
Təsisçi, baş director: Elyaz Gülüyev
Respublikaxeber.az