Stilist 2022-ci ilin yaz trendlərini AÇIQLADI

Rusiyalı stilist Vladislav Lisovets 2022-ci ilin yaz trendlərindən danışdı.

Onun sözlərinə görə, bu yaz klyoş geyimlər, dizdən yuxarı çəkmələr və həcmli eynəklər trend olacaq.

“İndi dəbdə iki istiqamət var: 90-cı illərdən böyük ölçülü geyimlər qalır və 70-ci illərin üslubu gəlir”, - deyə stilist bildirib ki, daha çox bəyəndiyinizi seçə və ya onları bir-birinə qarışdıra bilərsiniz.

O deyir ki, çiyinləri böyük olan enli bluz və həmçinin, 70-ci illərin velvet və ya cins şalvarını eyni vaxtda geyinmək olar.

Baxmayaraq ki, 1970-ci illərdə dəb dar bluzlar idi, amma qarışdıra bilərsiniz: şalvar genişdirsə, bluz dar, şalvar dardırsa, kofta həcmli olmalıdır.

Stilistin sözlərinə görə, bu gün bütün parlaq rənglər dəbdədir: yaşıl, narıncı, qırmızı, çəhrayı və mavi.

“Həmçinin, 70-ci illərin rəngləri dəbdədir, yəni rəng sxemində əgər geyim maraqlıdırsa, hər hansı bir rəngə görə çox da narahat olmaq lazım deyil”, - deyə o əlavə edib ki, tədricən çiçəkli, print bəzəkli və damalı dizaynlı geyimlər də geri qayıdır.

Stilist onu da deyib ki, bu mövsümdə qısa şalvarlar yaddan çıxmalıdır.

Onun sözlərinə görə, indi şalvarlar enli və uzun olmalıdır. Cins şalvar da dəbdə qalır, lakin onların da enli və ətəyi klyoş olanları dəbdədir. Həmin şalvarlar dikdaban ayaqqabılarla geyinilməlidir.