Şamaxıda avtomobilin dərəyə aşması nəticəsində yaralanan sərnişinin vəziyyəti ağırdır

Şamaxı rayonunda ağır xəsarətlə nəticələnən yol-nəqliyyat hadisəsi baş verib.

Respublikaxəbər.az-ın məlumatına görə, hadisə rayonun Acıdərə kəndində qeydə alınıb.

Hərəkətdə olan “Niva” markalı avtomobilin sürücüsü idarəetməni itirib, nəticədə maşın dərəyə aşıb. Hadisə yerində ağır bədən xəsarətləri alan sərnişin 1993-cü il təvəllüdlü Məsimov Fərhad Faiq oğlu təcili yardım briqadasının köməkliyi ilə Bakıda yerləşən xəstəxanaların birinə gətirilib.

Müayinə zamanı ona fəqərə sütununun sınığı və onurğa beyninin qapalı travması diaqnozları qoyulub. Onun vəziyyətinin ağır olduğu bildirilir.

Faktla bağlı araşdırma aparılır.




Sənəm Əliyeva