Masallıda həyətləri su basıb, 20 nəfər təxliyə olunub - FOTO

Masallıda çay və suötürücü kanalların daşması nəticəsində həyətləri su basıb və 20 nəfər təxliyə olunub.

Respublikaxəbər.az-ın verdiyi məlumata görə, dünən axşam saatlarında intensiv yağan yağışlar Masallı rayonunun Alvadı kəndindən keçən eyniadlı çayın və Bədəlan, Mollaoba, Boradigah, Rüdəkənar kəndlərində olan suötürücü kanalların daşımasına səbəb olub.
Nəticədə sel suları əkin sahələrinə və təsərrüfata ziyan vurub. Rüdəkənar kəndində 70 baş xırdabuynuzlu və 1 baş iribuynuzlu heyvan tələf olub.

Dünən gecə saatlarından ərazidə işlər davam etdirilir. FHN-nin xilasediciləri kiçikhəcmli gəmilər vasitəsilə kəndlərdə köməksiz vəziyyətdə olan 20 nəfəri təxliyə ediblər.






Respublikaxəbər.az