Donald Tramp rəsmən ABŞ prezidentliyinə namizəd oldu

ABŞ-ın hazırkı prezidenti Donald Tramp növbəti seçkilərdə də namizəd olacaq.

Respublikaxəbər.az xəbər verir ki, onun ikinci prezidentlik dönəmi üçün namizədliyi mənsub olduğu Respublikaçılar Partiyası tərəfindən irəli sürülüb.

Partiya qurultayında namizəd olmaq üçün lazımi miqdarda – 1276 səs toplayan Trampın onsuz da partiya daxilində rəqibi olmayıb.

Bundan əlavə, noyabrda keçiriləcək prezident seçkilərində vitse-prezident postuna namizəd kimi isə Maykl Pens təsdiq olunub.

Seçkilərdəki əsas rəqib isə Demokrat Partiyasının namizədi Co Bayden olacaq.



Sənəm Əliyeva