62 gün xəstəxanada qalıb koronavirusa qalib gəldi, amma...

ABŞ-da ən uzun müddət xəstəxanada qalaraq, koronavirusa qalib gəlməyə nail olan 70 yaşlı Maykl Flor qiymət qəbzini görəndə şoka düşüb.

Bununla bağlı “HaberGlobal”a istinadən Respublikaxeber.az məlumat yayıb.

Bildirilib ki, 181 səhifəlik qəbzdə M.Flora 1 milyon 122 min 501 dollar 4 sent borc gəlib.

Hadisə ABŞ-ın Sietl şəhərində baş verib.

Beynəlxalq mətbuatda “ən uzun müddət xəstəxanada qalan və COVID-19-a qalib gələn insan” olaraq təqdim edilən M.Flora gələn borc ABŞ-da səhiyyə məsələlərinin o qədər də ürəkaçan olmadığını ortaya qoyub.

“Evdə dincəlmə mərhələsindəyəm. Amma xəstəxana qəbzini görəndə sanki ürəyim dayanacaqdı”, - M.Flor yerli mediaya açıqlamasında deyib.


Sənəm Əliyeva